Major Dal Khan Mang, from Ptr, Suan

Major Dal Khan Mang Taang thu a tom in lak na

Pu Dam Go Khup le Pi Ning Lian Cing te tapasal upen hi a 1954 kum in Tungzang khua ah suak hi 1978 kumin Nu Ning Man Cing tawh kiteng in tapa thum le tanu nih nei hi.

Sang Khah na
Tungzan, Tuithang, Teddim sang te ah kah in tan giat ciang zo hi.

1970 kum in gal kap lut hi.
1971-1981 kum sung Kyain SeiKyi 32nd burget sem hi.
1977 kum in L, Cpl ngah hi.
1979 kum in Cpl ngah hi.
1981 kum in Officer Training School (OTS) 62th Hmawbi ah kah hi.
1982-1988 kum sung Mongpiang ah 43rd Buregh ah 2, Lt pan in Captain ciang Platoon Commander coy commander, Adjutant te sem hi .
1988-1991 kum in Heho L.I.R 18th sem hi.
1991-1993 kum in Phonggy ah No, 1 B.A.T.D ah sem hi.
1993-1998 kum in Major tawh Dawai L.I.R No. 401 ah sem hi.
1999-2006 tunidong Pukuko 250th Buregt ah sem hi.

Pah tawi na te

Galkap sung galsiam naleh hangsan nate ngahin minphat na tamvei pi ngah hi. Pah tawi na 7 vei ngah hi. Hih minphat naleh pahtawi na kempeuh ka nu le ka pa vangh le Pasian hehpih na hang hi, Min than na pah tawi na khempeuh Topa’ tungah kapia kik hi.

Khua le tui aa ding hong sep khiat na te

I Khua in i thunget leh i lunggulh mahmah Tan 8 sang pen September 08 kha sung in Kumpi tung lam a te in, ong pia ta hi. Ki ngah ta hi. Internett pan in i khua Tan 8 sang Building lamna ding,na vaihawmna te uh zong Sia Suan email sung ah na mu ing. Nakpitak ka lungdam hi. Tua ahih ciangin No gamdang a om teng in,sang tawh kisai kisam ding sum leh paai mah tawh nong vaihawm mengmeng ding uh ong han thawn ing. Kei zong hih i sang ngah theih nadingin tungsiahte tawh kimuh nading sum leh paai ,ka hun,neihsa tampi mah na pia ing,tu bel ong pia taktak ta ahih manin ,lungdamna kam tawh bek hilo in,kimuh pih ding khat ut mahmah ing.

I khua Ph zong kingah in ahi zongin khua sung sum don kingah paklo ahih manin ,Hausapa in sik in ama inn ama min tawh zang phot hi.
Kei Yangon ah kal khat bang na om lai ning in,theih nop a om leh Sia Suan email ah hong thei sak un. Hakha Ph.070 21321 H. 2132-5
tawh thu kiza ni. I om na ciat pan i khua ading hanciam mahmah ni. Lungdam.

Tu lai tak a nasepna pen hih sung oh kigelhlo hi. Chin State ah SIPEN ah Assistant Director hi.




Bomuh Dal Khan Mang

Yangon
==================================
Tungzang tate



1899 kum in i khua kisat hi. i khua pen Zogam Simgam om a, gam hoih khat hi in An zong kihau mahmah hi. Ahi zong in i pu i pate in a Nungta Pasian na mu nai lo hi. Dawibiakna ah mi khua te sangin kihat zaw hi. Nopna dahna, Ton leh Sa aih zunun,Dawi biakna in sial,Bawng leh gan go ziahziah in,Zu huan ziahziah in zawnlawh liang in An na tawklawh uh hi. Ahi hang in i khua pen mikhua te sang in Pasian thupha sang kisa ing. Sum zonna ol hi ci ing. Ka neu lai in Gua vasat in Pheek va gansak leng a gante pheek khat en pheek khat kingah in Pheek khat pen Ks 50/ bang kingah hi. Sakol nei ten Tonsim pai in sum tha lawh leh sum tampi kingah a,sum zatna zmi sang in a hampha zaw te i hi hi.

1970 kum kiim a kipan in Galkap lut ding,Bawduan, Phakan,Mogoke ah suangto ding cih khawng in sum kizong thei bek hi ahi zong ki kituah pha lawmlawm lo hi. Ahi zong in 1975 kiim khawng a kipan in,Pasian thu ong hat a a Piangthak mi zong hong tam hi. Tu in Yangon khua sung ah zong Shalom AG, UPC Joy,Carmel te i khuapih te makaihna tawh Biakinn 3 bang om ta hi. Tungzang mi Ordination(Rev. ) ngah mi 10 val bang ki om ta hi. Yangon ah ei khua bekbek inn 20 val bang ki om ta hi. Tungzang tate aw Pasian thupha sangin,gamdang ah pai ziahziah ta in sum leh paai zong ngah mahmah uh teh, inn lam na nu na pate uh zong sum khak thei ziahziah ta uh teh,pawl khat in sum na khak uh hangin, na innkuanpihte un, nuam lua in Zu leh Sa nene in Bangmah khantoh na leh noptuam na omlo ci in ka za hi. No gam dang a om sum zong haksatna na thuakna,sila a na nasepna te uh na innkuanpihte in thei khalo hi ding hi. Bang hang hiam cih leh Kei zong Khasum sang Kumpite Sila mah hing. Ahi hangin no a leh kei a kibanglo hi. Kong deihsak na khat ah na innkuanpihte uh sum na khak uh leh,Kong sum khak bangzah pha khin hiam ? Bang phattuamna na nei uh hiam ? Bang teng lei na na hi uh hiam ? Hoih tak in no mau in ngaihsun in gen ngam lel un.(Tu'n ei khau pen tulaipau dan in Manlong nei,Tuitaih a liam,asi zong tam simsim ta hi)

Kong deihsak na lianpi ah Pasian ading in na sum ngah uh sawm a khat Pasian kiangah na pia kik hamtang un.Mal.3:10. Pasian pen hau mahmah a no sum a ciangciang a deih hilo a,no ii phal na Lungsim bek a deih hi. I khua khantoh (Development) Biakinn,Sang inn, Electric mei,Zato ading Ong kinget ciangin, Committee te tung mah ah pia ngiat un, mimal khat peuh tungah mawk piak pah kei un. Thu khat ah i khua Zato vai pen Tungsiah U Liante tawh kimu ing. No khua in Zato/s/m deihlo in na khua nawl uh ah na koih uh hi. tampi ong gen in ka maizum mahmah hi. Ahi zongin Keizong na hanciam ning no zong sum leh paai ong hanciam un.

*I khua Sang vai nong dotna uh tawh kisai in. Tulai kumpi thu pai dan hi in Direct(Tazavuan )Tan 8 sang pia pahlo hi. Kum 1-2 teh ong en phot in,Tua sungin i hanciam na tungtawn in(Tazavuan) or Pakaa ong pia ding hi.Atam zaw mi khua te pen hanciam mahmah in piatakpi uh hi. I khau ah Sakol nungzuih leh lokhawh tawh Building kilam zo lo ding na theih sa uh hi. I khua Kum 100 cin pawi lai in USA a Sia Hangpi in UPC Biakinn,Mei leh Letsong a piakte thupi sa mahmah ing Kei zong Letsong ong pia a kei ka omloh hangin ka nu in ong sangsak in lungdam lua mahmah ing. Gamdang a om Tungzang tate aw,Khua lam inn lam ong phawk un,na innkuanpih te uh hong en un. Pasian tung ah thuman in na citak ta un. Thupha kong paih hi.

Major Dal Khan Mang
Yangon

Aricle from Sir, Hang Pi & Sir, Mang Khup

Khuapih tuipih a kuamaciat,
Lei tung bup ih omna ciat pan in,phone tawh a hi zong in, net sung pan a hi zong in, hih ih khua aa Tan(8) sang( State Middle School) ki ngah vai ,ong ki suak sak te za kim khin tek phial ta in um hang.A za nai lo kha a om leh zong,lung dam na thu a hih man in,ih zak sak ciat ding ki ngak lah mah mah ding hi.
Ih khua zang bup in lungdam mah mah mawk hang ei.Hih bang aa thu lian pi khat nong sep khiat zawh pet mah mawk uh.Ih lung gulh gulh tu in ong piang ngaw ngaw ta.Hih bang ding hi mi thu pi ih cih,Hi bang ding hi Pasal, Pa tapa ih cih,hi bang ding hi za lian ih cih,hih bang ding hi khua leh tui aa ding a deih sak tak tak te ih cih,hih bang te hi Pasian' zat te ih cih.Ih Pu ih pi te'n a zal na kul sin pan na za le uh,zuang ong tho in,han zai lai awi nuam si uh'n teh,A dang tuam tuam te in sem kei deih sak kei ci aa ka gen na hi lo in,a sem, a bawl te ih pah tawi hun a hih man in,ih ma kai te ka pah tawi na a hih man in ong thei siam un.A dang dang za leh ngal,pilna siamna leh sum leh pai nei te in zong sep ding tam lai mah mah hi.Ih khua in khang to ding in dawn suang hiai hiai ta,ki lung tuak in ma pang khawm in sem khawm liai liai leng ih vang khua nuam kil bang khang in et in lawm ding hi.
Mai lam ah ih khua a ding in,mi mal kim in ih pan theih na peuh peuh ah ma pang in ih din khop ding a kua ma ciat ki han thawn nuam han g.Thu lian sem zo om ding aa,Thu neu a sem ding zong ki sam ding hi.Thu lian thu neu ih sep ding vi ve hi ding aa,tua te khem peuh a ki gawm khop ciang in ih khua aa ding ong bup cing thei pan ding hi.Za leh ngal nei ten na din mun tek uh pan,Siamna nei ten na siam na uh,pilna nei ten na pil na uh,sum nei ten na sum na pai uh,tha hat ngal hat ten,na hat na uh,muh na nei ten na muh siam na uh,na hih theih na tek uh ih khua aa ding in ki sam a hih man in,ong zat sawm kim tek un ci'n ong zawn ing.Ih khua aa ding in na lung sim na ki phal ding ong thum ing.Tha ngah mah mah hang hih bang thuhoih ong ki gen pen, khan lawh hun mah mah ta aa,mi ih bat na ding in hun mah mah ta hi.
Ih khua ah ih ki sap ma sak pen TUI ngah khin ta hang aa,a zom ah SANG ngah petmah ta hang aa,a vai hawm Hausa te leh,Bomu pa Major Pu Dal Khan Mang a ki pan,a ki hel kha khem peuh ( na min te uh ong theikimnailo ka hih man in),tha tang ngal tang lung sit lo aa a sem khua zang bup a hi zong in,zah takna kong pia hi.
Ih khua in ih kisap te: (1) Tui (Tui dawn ding) Ngah khin ta
(2) Tan(8) Sang ( ngah khin ta) zop toh ding bek sam lai
&nbs p; (3) Hydro Power an huan zawh na ding( Ngah zo nai lo) han ciam lai ding,lam et
(4) Zato pi ( Gun gal bup in a muan zawh khop ding) ngaih sun khol khol ding.
(5) Bazaar pi khat khua lai ah neih zawh nang( Khua kim khua pam in ong delh
ding) sawt lo in,Tungzang- Tuithang ki mat to leh,khua lain pi suak ding aa,
ei khua lam ah zong a niam zaw het lo ding leh,a nuam zaw ding in ih han
ciam kul ding hi.Gam dang pai ten zong Khua ah taih inn khat tek peuh mah
lam zo leng hoih sa lai ing.

Na lu ng dam na tek uh ong gen khia ciat dih un ki sim sak ciat ni.

No te tawh a lung dam khawm,

Hangpi
Miami Khuapi
Florida State,USA.
=====================================================================================
Mun tuamtuam a om Tungzang suan thempeuh,
Zanlam a sanggampa Khen Muan hong pulak thu khat tawh kizomin Tungzang sang lam thak ding vai tawm hong kikup pih nuam ing. Omna ciat ah Pasianin hong kem in mapaina hong pia ciat ta hen. Hih tan giat or tan sawm sang lam nading tawh ki zomin lunggulh hang cih mawk bek hilo in tangthu leh tu nai a thu piangte ngaihsun kak a, geel theih ding thu tampi om kha ding hi. Hun ngah kimin thu kiza tuah thei hi leng ei sanga tangthu a theizaw tampi om kha thei ding hi. Ahi zongin tuate phonglo kikkik lehang nuam a salo zong pawl khat om kha thei ding ahih manin tuate cillum tawh valh in mailam nawt ding khan toh vai zaw in ka um hi. Bangbang ahi zongin a huamkim a ih theih pak dingin tawm khat kong gen masa nuam hi.
Nidang hunlai pek pan kipanin Tungzang khuami te pen na khat peuhpeuh ah a ki thukhat baih mahmahte hi hang. Ahi zongin ih thanemna ah ih makaite hong makaihna tungtawnin ih khan toh ding zahin ki khangto theilo hong suak a, tudong ih khua veng ih khua pam te sangin a mimal in ki tamzaw napi Tan li (Primary school) ciang bek tawh omlai lawmlawm hihang. Zong zumhuai phial mai cih ding hi. Mipil a ih neih ih muan sunsunte in zong a muhna( vision) pen tan li ciang level ding mahin ngaihsunin na khempeuh geel mawk uh hi.
A beisa ah bangthu bangthu piang hita leh a tha ngah huai khat ah Pasianin Dim mawl Dim hai ci a, mi hong kote mah hi ta leng tu hun ciangin lampi tuamtuam tawh Pasian in gamdang hong puak tek a, Tungzang khua a puah zo tham dingin nang leh kei hong koih khinta ahih lam phawk a, khanlawh hunta hi. Hih bang thu leh vai liante pen mihing khat leh nih bek vai hawmna tawh hamsa ding ahih manin mun tuamtuam a om Tungzang khangnote hanciamna tawh a piang lah ding bangmah om lo hi. Lunggulh hi peuh leng innkuan khat nangawnin inn lianpi lam zo thei a, ih lunggulh zawh kei leh khuazang khat nangawnin inn khat a kilam zolo thei ahi hi.
Tu in Tungzang sang naupang hi zahta sangkah lo a om cih pen ih tangthu sungah a hoihlo pen dinmun himawk lo a hiam? Hih bang hunte ah huh zo panpih zo dinga a kilawm Tungzang suante in don kei leh kua midangte hong pai in hong don mawk ding hiam? Eite zong hih bangin omom lehang ih theih loh kalin hun hong beipak dinga, ih khua ih tui puah manlo in a kipaisan ding hilel hi. Mi thupi ih cihte pen cikmah hun a, a nu leh a pa, a pi a pu, a u a naute, a mah a pantahte, a pianna a khua a tui leh a gam, a pianpih pau a mang ngilh ngeilote ahi hi. Tua bek thamlo in ama hih zawh thu a hih nak leh tuate khempeuh huh dinga kiging dente ahi hi.
Hih thu tawh kizom a, a lunggulhte in ih omna ciat panin ih ngaihsutba ciat sung khawm dingin kong zawn thuah lai uh hi. Pasianin na lunggulhna hong thupi sim tahen.


Thupuak,


Mang Khan Khup
Tungzang Suan
Canada.

Apart of Tungzang history from Klmung

Ka ngaihsut khial kei leh Ih Khua kisat zawh hibang sihna lianpi 2vei ih phutkhak na hi kha ding in ka ngaihsun hi.1988 kum in khatvei ih thei ngei khin aa ni khat in luang 5 hanmual lam ah ih kha tazen mawk hi.2008 kum ciang in,deih huailo penpen thu-ih tuak kik mawk ciang in ka om na khansung(Room) pan

It na lianpi tawh; Tg.Klmung,Asia.

Article from Tg, Pau Tul

Tungzang khua bup hong to nuam ingh! Tu hun ciang in TZ yahoogroups sung ah lai ki gelh te ih sim ciang in Khua leh tui minam le gam a vei a deih sak mi mal ki tam sem2 ta a hih man in tua hang in a kua ma ciat hong pi muh leh hong ang tang pih tuam mah2 ingh! Hih a nuai aa Dot na le Dawn nate a sim khin sa zong om ding hi hang, a sim nai lo te le a sim sa ten’ ih lung ngiah kik ding ka deih na hi. mi dang te a pi muh cih hi masa lo in mi ten’ koi ci bang in khua le tuai minam a ding sem khia cih te ih lung ngaih ding ka ut na hi pen zaw. Mun gam la pi et kul lo aa ih veng ten’ bang sem cih ih tel ding ki sam ding hi



Tuma kum 20-25 kim pawl in TZ mi te khua veng mi dang ten’ sim mawh le neu muh mi nam te ki hi ngei hi. a hih hang tu hun ciang Pasian thupha tawh midang te bang in Topan’ hong lam to khin ta hi. Ka neu lai in min dang ten’ bang ci bang in hong ciam nuaih thei zel hiam cih leh. “PU ten’ Bel Tung ih Thiat ei” cih neu muh na ciam nuaih na kam mal te thuak kha ngei ingh! a man leh a man lo cih bel thei lian keng A thu ka tel toh2 ciang in. Dim Mawl Dim Hai cih hong om lai hi. Tua te pen heh ding zong hi lo aa mei ma lo ah tho tu lo cih Zo’ paunak a om zel hi. Tua hi le Tu hun TungZang khang thak ten’ tua mi te zah ko nate hi mah lel ei ci aa om cip lai ding maw? A hih kei leh tua sim mawh zah ko nate pil na le sep khiat na tawh lak khia ding! D D sa Di cih ciang mah tawh mual khum lai ding maw leh? Khang thak ten’ ih ngaih sut ding khat ah Pil na le Siam nate koi ci bang in ih minam khang sawn te tung ah bang ci bang in hawm’ sawn thei ding cih ngaih sut Hun mah2 ta hi. Tun hun ciang in ni dang lai aa US ih cih lei tung ah gam thupi pen khat mun ah TungZang mi mal mah2 tawm ki tung nawn lo hi. Sum zong pai zong ten’ na ngaih sut masak ding uh ah! Inn lam aa om na sang gam na U na Nau te pil na siam na a sin thei te’ a ding in na sum na pai te uh na it sit het loh ding uh hong thupi masa ding hi. Mi khua dang te gam dang ah pil na sin in leng ziah2 ta hi... Topan’ nang a huh thei ding in ma hong hon sak khin hi. A ban ah ih ngaih sut siam kei aa leh mai lam ah khan toh na hong tam tuan khol lo ding in lam en ingh! DD sa di cih na te ah sum pen a ik sik lo mi te ki hi mawk hi. hoih kei cih na hi lo in, a thupi ngaihsut masak ding in Pil na Siam na mi’ bat zawh na te ah ih sum te ih cil loh ding zong nak thu pit zaw lai ding hi. na sang gam na u na nau te pil na ngah na ding in kha kun2 nawn kei in la gam dang mun dang ah pil na sin ding in leng sak ziah2 leng khialh na tam in um keng. Sum le pai hauh ding thupi lua mah2 a hih man in tua sum le pai te khang tam pi a ki khom theih na ding in pil na cih te zong neih kul zel mawk hi. Gam dang mah ah Leitung pil nate Lai Siang tho thusin nate kicing bek hi. pil na siam nate a ki zong thei hi. a hih hang in zon’ theih na ding in sum leh pai ki sam zel a hih man in nang a sum zong Pa/Nu in na sang gam te pil na na guat le tua in a khang a khang in a ki mang suak ding hi pah hi. tua a hih ciang in tha khong piak nop ah na sang gam na u na nau te uh pil na siam na te a ngah theih na ding in vai hawm sak hun ta in um ingh! Khan lawh hun ta mi ten’ mual khum dai ta2…



Khuaveng ten mual hong khup san dek2 ta hi. mun gam la pi en lo in ih kua veng te na sep zia leh khan thoh zia te zong tel tek ding in hong um ingh! Tungzang mi a tam zaw pen ki pil thei mah2 hi, tua ih pil na te pen Angsung pil na ciang bek a hih man in ih mi nam in phat tuam na ngah thei mah2 lo hi. khua veng ten’ LAI NAT NA cih te bul puhh in na sem uh. Mi ten’ bang2 gen sia te le uh mitam pi ten’ pil na hauh na siam na ngah lawh khin ta! Na lian pi pi sep ding sawm na pi hang in ei inn kuan sung zong lim tak ma kaih zo nai kei leng, ki khem2 na tawh ki bang lel in um ingh. ki neih tawm na in mawk na hi. tua te in Tungzang mi te lam sang het lo ding hi.



A tawp na ah Tungzang mimal kim in ih ngaih sut khop ding in ka ut khat ah, ih khua ih tui a khan toh ding ih ut tak2 le ngaih sut ding khat hong om hi. tua in KI PAWL KHAWP NA THAK Gen teh na pak in (The Organization of Tungzang Race) OTR cih dan ki pawlna Lian A THAK KHAT LIM TAK IN PHUAT KHIAT DING HONG KI SAM HI.) tua organization ki cian khat om lo hi le ih mi te a mau ut tek sem ding aa gel na ki cian le vai lian te ki hawm zo lo ding hi. tua ban ah mi mal khat le nihbek in sep sawm lo in Ki Gawm Khawm aa nasep ding te ki pat ding hong thupi ding hi. tua a hih ciang in Gampi lam mun tuam2 aa om Tungzang mi mal khat ciat in hih ki pawl khawm a nasep kipat na ding in a thu leh sum leh pai ah hong ma kai unla, pan mun te a ki cian tak in hong ki guan un, mai lam ah sep khat ding Ngim na, Gel na, Ki cian te hong vai hawm dih un! Hih bang in Pan Mun ki cian tawh mimal in khua le tui aa ding in deih sak na it na tawh ih sep nak leh mai lam ah a mual hong khup san dek tak ih veng te zong a kheng thei lua thu hi. a hih hang in pan mun deih man in na sem hi lo in, khua le tui deih sak na it na vein a cih te tawh pan mun te ih let kip ding zong ki sam mah2 ding hi. Khua le tui khan toh na ding nang bek tawh piang lo, kei bek tawh zong piang thei tuan lo, a mah bek tawh zong piang zo tuan lo a hih man in, tawm ci lik ih neih te gawm in I khau leh mi pih te a khan toh na ding in sem khawm leng Tungzang te zong khang to diam diam ding hi cih ka up na hi…

Article from Sir, Samuel Kham Peek

NGEINA IN MINAM KEM

Leitung ah minam khempeuh in ngeina kinei ciat hi. Tua ngeina in
minam hihna(Identity) a lakkhia ahi hi. Minam khat le khat pen pau le
haam, nek le dawn kibatlohna sangin ngeina(Culture) kibatlohna tawh
haksatna le buaina om thei zaw hi. Ngeina i cih pen a zaipi khat hi
in, i gen khiat theih pak dingin i pu ipate khang pek pan hong pai
suksuk, i luah suksuk thu hi a, i biakna zong tawh a tonkhawm den ci
leng kikhiallo ding hi. I pu ipate ngeina i cihcih pen zong i
ngeina(Dawi biakna) hi in, Tapidaw i suah khit teh a kizangthei nawn
lo pawl khat a om hangin a kipaikhia theilo pawl khat mah om thei
veve hi. Gtn: I dawi biakna ah dawithoihna vante, aite,phuisamnate,
Ton le gal aih sa aihte etc.. kizang thei nawn lo suak hi. A hi
zongin sa kigawh, Tukzukhol, Itna ankuang umkhopna, i Zola sak, leh i
Zongeina puante tawh lasa khawm a Pasian a kiphat thei lua cihna hi.

I Zongeina tampite sung pan i thupi ngaihsut le i limzat mahmah
khat ahi Zongeina Khuado Pawi pen tuni ciang dong a munmun a gamgam
ah nopcitak i bawl thei ciat hi. A beisa hun a kineih zawh ngei loh a
khatveina Zomi bup Khuado Pawipi 2008, Kawlpi-ZBCM huang sungah
nasiatak i bawl zawh manin lungdam huai mahmah hi. Hih tungtang ah
kumpi lamte zong tawh kilawmtatna leh i minam ngeina hong theihpihna
hun khat hipah ahih manin, mailam ah i kalsuan zia ding zong tampi
nuamtuam pah ding hi mawk hi. Tua banah US pan Washington
Innkuan,Flrida, ,UK,Norway, Denmar,Germany, Malaysia, Singapore, New
Delhi,Aizawl Zomi innkuante in zong a munmun ah i bawl zihziah manin
lungdam huai sem hi. Hih bangin i ngeinate i bawl ciangin inau i tate
khangsawnte a theisak kisuak bek tham loin, minam dangte lakah minam
kician ngeina kician anei i hihna a pulaklak suak hi hang. Ngeina in
minam kem ahih manin, i ngeina i thupitsak lai teng minam manthang
ngei lo ding hi hang.

Hih i Zongeina Khuado pawi i cih pen i pu pate in anlak khit a Topa
tungah Lungdamkohna uh hi in a thupi mahmah khat hi mawk hi. Tua manin
tuhun Zomi bupin zong Topa tungah lungdamkohna hunpi khat bangin i
neih zawh lai ding thupi mahmah ding hi. I Kawlgam ah kumpite le minam
dangte in hong theihna pen Zomi namni bek hisak nawn loin i ngeina
taktak Khuado pawi tawh i lahkhiat zawh lai ding kisam mahmah hi. Zo
minam ni pen ngeina hi loin gam suahtakna ni suak mawk hi. Tua hi in
ngeina a awlmawh lo(thusimlo) te pen mi kician suak ngei lo ding a,
ngeina thei cian in a kemcing pa/nu pen minam kician leh minam
manthang ngei lo ding hi. Ngeina(Culture) in minam(Tribes) kem cing
hi.

Tukum a khatveina i Zongeina Zomibup Khuado Pawi 2008, Kawlpi in
leitung bup Zomite lungsim hong lawng mahmah ahih manin, mai kum ah
zong kipumkhat semsem in a thupi , a tangzai zaw a i bawl zawh na ding
Z-Zomite hanlung ciam Khangto diam... ci in Ngeina tawh i minam
kemcing ni.


Deihsakna tawh,

Tongsan Pu(Sia Khampeek)
====================================================

Minam leh Gam Khantohna ding Thusim: Leitung ah minam khat le gam khangto te i et ciangin a hang tampite sung pan a thupi mahmah anuai a thusim nam 5 om hamtang hi. 1. Pasian kihtakna: Mihingte Pasian pan kipan i hi manin PS i zahtak (or) kihtak ding ahi hi. A khangto gamte ahi, USA,England, Norway,Sweden, Germany,Denmark etc.. gamte bang Christian gam vive hi uh a, nasiatak khangto pah mawk uh hi.Hih nisuahna gam lamte pen Pasian kihta uh ahih manin mihing gen loh ganhing zawhngeu le Ui nangawn ta zahin thupi bawk mawk uh hi.Mihing pen mihing taktak mahin kimu uh a, kisimmawh cih peuh mah thei kha lo uh hi. Hih pen Pasian a itna , kihtakna taktak uh ahi hi. 2. Kipumkhatna: Hih nitumna gamte leh EU gam lam mikang namte pen Na khat peuhpeuh aituam vai cih bang nei thei lo uh hi. LST thak hun lai bangin nekhawm ,sem khawm leh kihuhtuah diamdiam cih lungsim puak in nei uh hi. Kideihsak ngait uh a, kihazatna lunsim cih peuh mah nei het lo uh hi. Kiphask het lo lai mawkin a mihopih zia mahmah uh nungak bang hi leh hong ngai kisa kha dek phial mawk hi. Zomite paunak, " nupang leh hausa thu" cih pen a ma kiangah kizang mahmah in, a neu pen naupangte na ngawn thupi sim in vai thupi khat peuh dong tangtang uh hi. A lain zaw, a neu zaw cih bang om sk loin, na khempeuh ah liangko kikim ding le mimal suahtakna(Human Right) thupisak pen uh hi. Tua pen kizakim ding or kipumkhjatna ding deihna bulpi hi mawk hi. 3. Thukizaktuahna: Tuhu pen i theihsa bangin Information Technology(IT) hun ahih manin thukizakna thupisak pen uh hi. Hih gam khangto te ah a sia a pha i sem kha zongin kisuakta zo ding hi peuh mah lo hi. Kamdang khati gen leng thukizaktuahna loin kikhangto lo cihna hi mawk hi.Zomite leitung kiu 4 ah i kizel a, i khua i tui le i gam i nam khantohna ding ngimna vive ahi hi. Thukizak tuahna om kei le i kizopnate kibuai mahmah ding a kisepnate deih bangin lawhcing zo mengmeng lo ding hi. Thukizakna tuamtuam te sung pan lai tawh nipisim Zomite thukizakna i Tongsan bng zong mundang a om Zosuan tate in kiphattuam pih mahmah ciat hi. Hih bek hi loin a dang nei zihziah zo lai leng ut huai mahmah sa ing. Thukizakna loin kikhangto thei lo hi. 4. Kikhalh siamna(Principle) : Hih pen mihing mimal khat ciat tung pan kipan hamtang ding thu hi. Kawlte in, "Kikhalh samna in mihing manphatna lak hi " ci zawzen uh a mansa mahmah ing. Gamkhangto te i gensa bangin kuama sawl kullo in mimal mahmah in kikhalh siamna nei ciat uh hi. Tua hangin cidam, thahat,pil, hau in khangto pah mawk hi. Hih pen Pasian deih khat zong ahih manin thupha ngah loh phamawh mawk uh hi. Ei Zomite zong kikhalh siamna i neih mateng kikhangto lo bek thamloin Pasian thupha i ngah zah ding kingah zo mahmah lo ding hi. 5. Hun zahtakna: gam khangtote in hun bek tawh nungta nasem uh a, nitha tawh nasem loin ahun(Nai) bek tawh nasem uh hi. Naepna ah khem/ zuau gen cih bang om thei lo hi. Nasem khat pen kineu muh thei loin kizahtak ciat mawk uh hi. nasem lote kineu muh zaw mahmah hi. Hun zahtakte kizahtak pahin maipha ngah uh hi. Tua manin " Hun in sum hi-Time is Money" cih pen kizang taktak mawk hi. Pasian mahmah in hun thupisak ahih manin na khempeuh hun neisak ciat in a hunhun in sem khai takpi hi. Tua hi in hun zahtakte Pasian zahtak hipah ahih manin thupha ngah loh phamawh hi. Tua ahih manin hih i gen khangtohna ding thusim nam 5 te pen mimal kim in i neih photphot ding kisam hi. Mimal khangto lopi in minamle gam khat khangto ngei tuan lo ding hi. Kumpi thuneite,pawlpi Siate,makaite in hong piak theih hi tuan lo hi. Zomi nang le kei(mimal) mahmah in hih i khantohna ding thusim nam 5 teng i zatsiam pah ding deihsakna tawh Tongsan pan kong hanthawn hi. Minam le gam khantohna ding a lunggulh, Tongsan Pu (Sia Khampeek)Norway

Documents from Cii Tuang

TUNG ZANG KHUA Mun tuam tuam ah om khua pih te dam kim tek hang maw Topa in thu pha hong pia in ih groups sung ah zong thu tuamtuam ih za zel a Dah na tawh nuam na tawh khan toh na ding leh mailam ih kal suan dan ding gen na te zong thu pi tak in hong ki vai hawm to a thu tam pi tak ih sim zel hi thupi ka sa hi topa ih om na tek ah thu pha hong pia kim ciat ta hen...TUNG ZANG KHUA Hong pian khiat na thu tawm hong at sawn ing kei zong ka theih nop sawt in ah tun khua tang thu ka theih teh ah tel nai lo ih om leh ci a deih sak na tawh kong at hi aKhelh na om leh hong mai sak un Lungdam TUNG ZANG KHUA TANG THU AH TOM INTung zang khua pen Tedim pan mawtaw lam tai sawm 20 na ah om hi Tui pi mai tang pan in pi 5080 sang hi Ni suah na lam ah LeZang AnLangh GamLai khua te om hi Sak lam ah tuipi ni tum na lam ah suangsang ngalbual khua te om hi Khang lam ah tuithang khua te om hi Ni suah na lam ah Mualsang Nanglem Vum leh Suang tui lui luang om in Ni tum na lam ah Teute vum leh citui lui luang om hi KHUA PHUT NACiim nuai pan Geltui ah tua pan Dimpi ah tua pan Dim lo ah hong lal uh hi Mangkang te hon khan toh ciang in Dimlo pan in Laitui khua ki a tua pan Pu Pau Suangh Gualnam in Hausa sem in 1895 dong hong teng hi Lai Tui pan TuiThang khua ki lal leuleu a 1895-1898 Kum 3 sung ki teng hi 1899 ciang in TuiThang khua Hausa SingKam leh ah nei hing ah ci Pu Pau Za Lian ki lem loh na hang in Pau Za Lian ma kai in mi sawm 23 te tawh Tung Zang Khua hong sat hi Tung Zang Khua sat a ki pan tu ciang dong NauLak leh HatZaw beh nam nih tawh ah ki teng khua ah hihhi.. KHUA SAT TUI KHUAT TE MIN1. PU Pau Za Lian sukte-Makai2. Pu Thang Hau Nau lak DoThang3. Mang Dam ,, ,,4. Tuang Zel ,, ,,5. El Kham ,, ,,6. Lam Nengh ,, ,,7. Son Gin ,, ,,8. Kham Ngul ,, Tuang Eng9. Kham Thawng ,, ,,10. Khen Phung ,, ,,11. En Khup ,, ,,12. Go Tawn ,, Tual Kong13. On Son ,, Hau Sa sung14. Tawng Gin ,, ,,15. Phung On ,, ,,16. Soi Ngul ,, ,,17. Sing Thang ,, Lun Zong18. En Go Hat Zaw19. Lam Khup ,,20. Gen Ngul ,,21. En Vungh ,,22. Lut Kham ,,23. Tun Lut Gui Te HONG MA KAIH IH PUPI TE TENG HI HAU SA SEM TENGPu Thang Hau. Naulak 1899-1901 kum 3 sungPu En Go. Hat Zaw 1902-1921 kum 19 sungPu Lam Pau. Hat Zaw 1921-1941 kum 20 sungPu Go Za Thang. Hat Zaw 1941-1960 kum 19 sungPu Vungh Go Kap. Nau lak 1960- 1966 kum 6 sung Pu Pau Khua Hau Hat Zaw 1966- 1972 kum 6 sungPu Awn Khen Thang Nau Lak 1972-1974 kum 2 sung Pu Thawng Khua Pau Nau Lak 1974-1978 kum 4 sungPu Cin Lian Thang Nau lak 1978-1980 kum 2 sungPu Zam Khua Thawng Nau lak 1980-1985 kum 5 sungPu Thawn Khua Kam Nau lak 1985-1988 kum 3 sungPu Cin Lian Thang Nau lak 1988-1991 kum 3 sungPu Zam Tung Thang Nau lak 1991-1997 kum 6 sungPu Thawng Cin Lian Nau lak 1997-2000 kum 3 sungPu Gin Za Kap Nau lak 2000-2006 kum 6 sungPu Cinh Kap Go Pau Hat zaw 2006- Tu ciang hong sep sak hi ...... Ah ban om lai hun ngah teh hong zom ning ah ki cing zaw in ah tel ih om leh hong at tuahle uh teh 2008 Feb. kha Tung Zang Tuiphum pawl pi siakhawk 19 cin China JUBILEE Lai bu pan kong teisawn hi Lai gelh sawn .Ciituang Malaysia

=============================================
KHUA SAT ZAWH KHUA SUNG THU PIANG SANG KI NGAH NAKum pi in Tung Zang khua sang piak ding nasawm ngei hi napi Hau sa Upa te in vai tuam tuam leh ham sat na hang in na nolh kha uh hi 1960 kum ah ki tel pi ah om ciang in CNO tekiang ah ka khua zang un mehong pia nung in na ngah uhleh sang hong pia un ci in kam ciam hi hong ngah tak pi uh a ah Vai hawm tuam tuam te deih sak na tawh 1-6 ,1961 ni a kipan in Kumpi zolai sang ah ki nei pan hi 2003 kum ciang in Post-Primary School Kumpi in hong vai hawm sak hi SANG SIAPI SEM NGEI TENG1. Vungh Heh Kam Kap tel 1961-662. Mang khan Pau An luun 1966-683. Kam Za Thang Phu nom 1968-704. Luan Za Nang Mual Nuam 1970-725. Nang Khua Pau Gawng 1972-766. Tun Khan Pau Gam Lai 1976-837. Pum Khan Nang Tui Thang 1983-868. On Sian Pau Thal Mual 1986-889. Khup Hen Thang Tung Zang 1988-9510. El Sawm Dal Tung Zang 1995-200011. Khup Hen Thang Tung Zang 2000- pan tuciang.. KHUA ZANG NUAM NA LEH DAHNA LIANTE1. 1913 kum Khua kat inn 14 kang hi 2. 1917 kum Piantit pai mi 19 3. 1942 kum Zavat (Dawigal) Mi si 74 hi4. 1944 kum Japan Gal Tun5. 1964 kum Thual zen gal tung 6. 1969 kum Nau pang si 25 hi NUAM NA1918 Piantit pai te hong tung hi1936 Nang lem Gam ngah kik hi1957 Tui law ki ngah hi1968 Mawtaw hong tung hi1991 UNICEF tui ki ngah hi1960 Kumpi Zolai sang ki ngah hi1964 Kantengh (tamah) ki ngah hi 1982 Nau suak Zato ki ngah hi 2000 Khua Sat kum zacin pawi ki bawl hi2006 Worldvision te tung pan huh na ki ngah hi KHUA VAI THU PIANG1899 Kum in Tung Zang Khua ki sat hi 1947 kum in Tui phum Pawl pi ki Phut hi (Ngul Za Thawng Vungh Za Kham Pum Khen Kham )1948 kum in Private sang ki phuan hi (Sia Khup Za Thang Pum Lian Kham )1956 kum in RC Pawl pi ki phut hi ( Pu Vungh Pum )1967 kum Bawlung Tual pi ah khat vei na ki hohi (Hausa Pau Khua Hau. Sia pi Mang Khan Pau makai)1972 kum Khawk ki ngah hi (Oh-suh)1973 kum Lei cial tawh kipan hi1973 kum Tung Zang University sang nau pangte Shield, khua sawm 12 hong pai in ki dem hi1988 kum Unicef huh na tui ki ngah hi1995 kum in Biak na min Tawh khua sian suah ah 1 vei na ki bawl hi..1977 kum Tui phum pawl pi ah Silver Jubilee ki bawl hi2008 Khua Sian suah ah 2 Vei na ki bawl hi ,,2008 Sep. Khasung tan ( 8 ) sang ki ngah hi PAWLPI OM TENG1 . Laipian ah Phuan TunDam 1904 kum inn 1, Mi 9, Pa sal 6, Numei 3, Pawlpi kem Sia, Kap Khan Pau.. 2. Tuiphum ahphuan Ngul Za Thawng, 1947 kum inn 68, mi 490, Pasal 251, Numei 239, PawlpI kem Sia Thang Suam Mang 3. RCM ah phuan Vung Pum 1957 inn 28, mi 205, Pasal 99. Numei 106, Pawl pi kem Sia Thang Kap Pau 4. AG Pawlpi phuan Tun Khan Zam 1978 kum inn 143, mi 957, Pasal 418, Numei 479, Pawl pi kem Sia Tun Kham Zam 5. UPC Pawlpi phuanTun Lian Kam 1980 kum inn 18, Mi 135, Pasal 47, Numei 61, Pawlpi kem Sia On Khan Mang, 6. EBC Pawlpi phuan Lian Za Lal 1985, inn 32, mi 220, Pasal 111, Numei 109, Pawl pi kem Sia Gin Khaw Thang, 7. NAC Pawlpi phuan Gin Lian Thang 1986, kum inn 2, mi 5, Pasal 3, Numei 2, Pawlpi kem Sia Gin Lian Thang,, Ih khua sat zawh kum 1899 kum pan Tuciang thu piang teng hi at khelh leh hong na mai sak un 2008 Tuiphum Pawl pi te sia khawk kum 19 cin naleh China Jubilee Laibu sung pan kong tei sawn hi Deihsak natawh Ciituang, MALAYSIA

Lung dam koh na

Dear Khuapih sanggam te:
Khuapih sanggam a kua mahpeuh in,nong thunget sak na te uh,Ih biak Pasian in hong dawng in,ka om na gam uh,Denmark Esbjerg khua Hospital pan in,26/ 7/ 08.Ni zingsang nai 4.18.Am hun in,Pasian hongpiak. Lia Lian,Niang Tawi Lian.Hamsat na om lo in hongsuak thei a hihman in,Pasian tung leh thunget na tawh hongpanpih, a kua mahpeuh tung a,lungdam na lianpi kong ko"uh hi.
A diakdiak in ka nauneih uh lungdam pih na lai hong at, Sangnu te innkuan Canada.Tg,Kam Mung S,Korea, Pa Mungpi Singapore,Lia Thawn No Kalaymyo,Sia, Naa Tuang Yangon,te tung a zong" lungdam na lianpi kongko"uh hi,
Mun tuamtuam pan a lungdam pih na phone hong ho te tung a zong"ka lung uh dam mahmah hi,manloh na tuamtuam tawh,hong ho pih man lo,lai hong at man lo, Tungzang Yahoo groups member khempeuh in zong,hong na lungdam pih tekding in kong na lam en uh hi.....
Hih a nuai a,Lia Lian hongsuah na Hospital sung a ka man te uh zong na et sa un maw!!!!
Lungdam na lianpi tawh:
Khen Muan & Niang San
Denmark

USA Tunzang Inn Kuan

Pa Kap Sang Te inn kuan Ok State pan hi

Miami Khuapi,Florida State,USA aa om Tungzang Innkuan sung ah tang val te hi ung ei.Tungzang Innkuan Homecell a khat vei na August 1,07( Wednesday) ni aa ki la hi.Man zaih Tulpau leh Laltuang te thu siam na hi.Mai lam ah ong suah zel lai nung.Mundang aa tung te zong ong phawk mah mah ung.No tawh ih ki muh ding December 25,07Christmas ni-in,lung dam kohpawi nei khawm leng ut hang.Norht America bup ki hel thei ding in lam en hang.Munnopci tuam tuam te Limosine car saupi te tuang in ih zin kawi kawi ding hi.Tu kum march kha 23,07 Tang Langkhup leh Tang Pau lian ong tun aa ki pan tuni ciang dong Tang Thang Khan Sang ong tun dong USA gam sung ong tung thak mimal 41 hi ta aa,a tungsa mi 5 leh a inn kuan te uh tawh sim khawm 49 ki om hi.December kha sung mi (5) ong tung lai ding ki lam en hi.Maikal sung khuapih te omna ka phaknai lohna teng ka va hawh khit ciang in omna address leh min sazian te kong suaksak lai ding uh hi.Tungzang Innkuan Miami,FL (USA)

TungZang Middle School Building lam nang" Ks,30,million ki sam:

TUNG ZANG TAN 8 SANG LAM NA DING" Ks,30,000,000/ or,US dollar,30,000/ KI SAM:

Phone tawh mi mal kim ki kuppih zo lo ding ih hih man in,hih ih groups sung pan in,kei mi mal ngaih sut na,kong kup pih hi:
Khuapih Tui Thang sangkah sangnaupang te leh,Tui Thang sangnaupang te nunglam a hongbuai na"ih theihkim ihzaksa ciat ci-ni,hihdan pen tutawm a bek hi lo ing,a tawntung aa,Tui Thang sangkah te,khuaveng te in hongsimmawh sak tawntung phial hi,hihtepen a piangthei ahitheithu mah hi,ei mi pangbel a sangkah aa,khangtawn a vah om ih hihman hizawhi,ih khuazong a" ih khuaveng te sanghongkah om hi leh,khatveivei enzong ih va nopnat ih va simmawh thei"khading hi,tampi gen nawnkei ni,khuaveng te tung a zong" heh na ding in"ngaihsunnawn keizaw ni,ih khua ah, Middle School Tan 8 sang hongpiantheih na ding"ihneih zawh nading a,nung a buai na te Pasian in honglamlah na khat hi zaw in teh cihlam in la zaw ni,khuaveng Tui Thang te tawh ih sangnaupang te,hongbuaibuai nawn loh nading in,ih khua a Tan 5 pan Tan 9 dong nuamtak a,sang hongkah theih na ding in,TungZang mi Pasian thuphapiak,hong lattoh,ei gamlian gamsang a tungzoteng in,Middle School Building khat ih lamzawh nadingin mikim in hanciamtek ni.
MIDDLE SCHOOL BUILDING FUND" BANG CII ZON DING:
Thu pi sawm lua leng"lah,kitang tung zo lo thei,bat genluat lah sawt ki mang lo thei.Sang inn na nei photphot leng"sawtlo in,kumpi lam panzong"phal na,ciding ih hiam? Approval Middle School a ngah zo ding in ki lam en ni:
Sum don nading gam te! USA,Canada,Europe, Australia, New Zealand,Japan, S,Korea,atung sa. Tung Zang suan leh khak khem peuh ki helh loh pha mawh ding hi:
Sum piak dan khen thum in suah ding! US dollar bek tawh ki dong ding:
( 1 ) US $ 1000 / a special khat na:
( 2 ) US $ 700 / a special nih na:
( 3 ) US $ 500 / hih pen mi kim a piak loh a pha maw:
Hih sum te pen tu"kha,July 2008 pan in,ki dong pah"ki panpah in,a nu nungpen December 2008 a piak kim ding, hih a tung lam a kong at gam tuamtuam a te in, na sum khiat ding uh sum pen, US dolar bek mah tawh, USA a te kiang a khak tek ding.
A thu pi a hih ih Fund sum te hongkepsak ding( Treasurer ), mi nih leh,sa ziansit, ( Auditor ) ding mi thum koih ding in,hih mi 5 te in, sum ngahdan, sumlut na, te khabei ta ciang in, hih ih group mail sung ta a,hongkhah pahpahding hi.Hih mi 5 te pen, Building Fund sumzong Committee te"hihpahding hi,hih Committee mi 5 te pen, USA Dumas khua a, ki tam ompen a hihciang in, tua mun a om te,hong ki sehpahding hi, sumkem khuadangkhat a, sa ziansit khuadangkhat a, cih bang in ki thuah lo ding hi,cihnop na a,sumkem khuakhat a,sa ziansit khuakhat a ompen buai na tam pi tak om cih ken" na theikhin ka hih man hi.
Sumdom pen tun"ki panpahding in,sang innlam mateng khua lam a,sum ki khak lo ding hi.
Khualam a te"sepding, Brick,Otkhee, ih ciidia! a kicingding bawksakding hi hangh"tuapen,October 2008 pan in,ki pan sak in,December 2008 zosak ding hi hang!
January 2009 pan in,Sang in lam ki panpah ding in, April 2009 bei-in zo siangsak ding hihang!, June 2009 sang hon kik ah,zat theihding in, Project nei ding hi hang!
Na sum om na a,na lung sim om ding hi.
Hih sang innlam na ding a na piakzah"sumleh, na Pasport photo manpen,khua hau sa te in,hong na kepsak ding hi, sang inn zum,office sungzong a ki ciantak in, hong na suan sak ding hi, hih ih min te leh,ih pasport photo te pen, manbawm pi, Album lianpi khat na bawl ding uh a, Album khatbek suah ding hi hangh!
Bangcih na min hong ki ciapteh sak ding:
( 1 ) $ 1000/ pia zo teng min ma sa a, ah special in hong ki koih sakding,hih tul pia te sungzong pan in,tul a kim a pia ma sasa min"ah ma sa a koih sak ding hi hang!
( 2 ) $ 700 / pia zo teng, a special mah,hih a tung a te bangmahdan in hong ki gualsuk leuleu ding hi,
( 3 ) $ 500 / pia khempeuh, 500 a cin ma sasa min mailam ah, ki gualsuk leuleu ding hi.
Hih a tung lam a kong gen sa bang in, mikhat single te leh, innkuan te, ki bangding hi, $ 500/ a tawmpen mi kim in piakloh a phamawh ding hi,
Genteh na:
Sia Mang Khup te innkuan, $ ,,,,,,,,,,
Tg, Lang Khup , $,,,,,,,,
Pa, Kai Lian Pau te Innkuan, $,,,,,
Tg, Phung Dal, $,,,,,,,,,
Hih a tung a thu te pen,kei mimal ngaihsut na kongkuppih hi in,hoih ih sak a leh, zangh pah,hoih ih sakkei a leh,a hoihthei pending in vai hawmpah in, tu-in ki pan a,sep khiat veve ding in, ngaihsut tek ni. A diakdiak in,hi vai pi te hongpiantheih na ding in, Pasian leh,no" USA a om teng hihpen hi uh teh,ko"bel nonghong belbek ding ka hi uh hi..
Sia Khup leh Sia Hang Pi te in zong no"ngaih sut na bang hong pulak dih ve vua!
Akua ma tek a lung lut kim ding a hong lam en:
Khen Muan
Denmark

Sang Lam na ding Vai ki kup na

A kua mah ciat a dam kim ciat ding mah in Ih ToPa min tawh hong lam en kim ciat ing . Hih Bang aa om ciat 2 pan aa, thu Ih ki za sak kim thei diam 2 pen lung dam huai sak mah mah ing ,,

Khua ah Middle School SANG lam na ding Program nong vai hawm thei uh pen lung dam huai mah mah ing, A kua mah ciat mah ciah ma pang khawm ciat ni,
Tua ciang in SUM don dan ding tawh ki sai in nong gen sa dan teng mah uh zong hoih sa pah lel ing , A hih zong ka tel loh khat om veh aw? Special 1, 2, 3 , na cih uh pen tel siam kei mai veng aw,, Kei hoih sak na mawk 2 khat ah ee,, kua mah ki dei dan tuam lo zaw in Liang ko ki kim dim diam tek mah in ma pang khawm zaw leng ee, a hoih zaw tam ah maw,,,, Cih nop na ah Zing khawng ciang in Ken , Sum tua zah ka khiat hi, A man Tua zah khia cih bang in hong ki kam tam kha leh ma kai te bek hih lo in ka kua mah ciat ki mai mial kha thei ding in um mawh zaw ing . A hih zong in a hoih thei pen 2 ding mah in ma pang khawm ciat ni maw ,
Pasian in thu pha hong pia in Gam thuam 2 hong puak a hih man in Ih pian na Tung zang khua a Leei aa, taang sak bek hih lo in lam sang to ciat ding in Nang leh kei ma pang khawm ni maw....
Kei zong KHUA ading ma a pang nuam mah mah 1 ka hi aa, SANG bek hih lo in a ki sam khem peuh , vai hawm to2 lai ni cih zong hong han thawn nuam lai ing .,

Deih sak na tawh ,Gen khial khak om te hong mai sak un maw,thu ki za sak kik zel ni..


Fm, Zam Tuang
Emmanuel Group
Atlanta City
U S A

Sang Lam na ding Vai ki kup na

Mun tuamtuam a om Tungzang suan thempeuh, Zanlam a sanggampa Khen Muan hong pulak thu khat tawh kizomin Tungzang sang lam thak ding vai tawm hong kikup pih nuam ing. Omna ciat ah Pasianin hong kem in mapaina hong pia ciat ta hen. Hih tan giat or tan sawm sang lam nading tawh ki zomin lunggulh hang cih mawk bek hilo in tangthu leh tu nai a thu piangte ngaihsun kak a, geel theih ding thu tampi om kha ding hi. Hun ngah kimin thu kiza tuah thei hi leng ei sanga tangthu a theizaw tampi om kha thei ding hi. Ahi zongin tuate phonglo kikkik lehang nuam a salo zong pawl khat om kha thei ding ahih manin tuate cillum tawh valh in mailam nawt ding khan toh vai zaw in ka um hi. Bangbang ahi zongin a huamkim a ih theih pak dingin tawm khat kong gen masa nuam hi. Nidang hunlai pek pan kipanin Tungzang khuami te pen na khat peuhpeuh ah a ki thukhat baih mahmahte hi hang. Ahi zongin ih thanemna ah ih makaite hong makaihna tungtawnin ih khan toh ding zahin ki khangto theilo hong suak a, tudong ih khua veng ih khua pam te sangin a mimal in ki tamzaw napi Tan li (Primary school) ciang bek tawh omlai lawmlawm hihang. Zong zumhuai phial mai cih ding hi. Mipil a ih neih ih muan sunsunte in zong a muhna( vision) pen tan li ciang level ding mahin ngaihsunin na khempeuh geel mawk uh hi. A beisa ah bangthu bangthu piang hita leh a tha ngah huai khat ah Pasianin Dim mawl Dim hai ci a, mi hong kote mah hi ta leng tu hun ciangin lampi tuamtuam tawh Pasian in gamdang hong puak tek a, Tungzang khua a puah zo tham dingin nang leh kei hong koih khinta ahih lam phawk a, khanlawh hunta hi. Hih bang thu leh vai liante pen mihing khat leh nih bek vai hawmna tawh hamsa ding ahih manin mun tuamtuam a om Tungzang khangnote hanciamna tawh a piang lah ding bangmah om lo hi. Lunggulh hi peuh leng innkuan khat nangawnin inn lianpi lam zo thei a, ih lunggulh zawh kei leh khuazang khat nangawnin inn khat a kilam zolo thei ahi hi. Tu in Tungzang sang naupang hi zahta sangkah lo a om cih pen ih tangthu sungah a hoihlo pen dinmun himawk lo a hiam? Hih bang hunte ah huh zo panpih zo dinga a kilawm Tungzang suante in don kei leh kua midangte hong pai in hong don mawk ding hiam? Eite zong hih bangin omom lehang ih theih loh kalin hun hong beipak dinga, ih khua ih tui puah manlo in a kipaisan ding hilel hi. Mi thupi ih cihte pen cikmah hun a, a nu leh a pa, a pi a pu, a u a naute, a mah a pantahte, a pianna a khua a tui leh a gam, a pianpih pau a mang ngilh ngeilote ahi hi. Tua bek thamlo in ama hih zawh thu a hih nak leh tuate khempeuh huh dinga kiging dente ahi hi. Hih thu tawh kizom a, a lunggulhte in ih omna ciat panin ih ngaihsutba ciat sung khawm dingin kong zawn thuah lai uh hi. Pasianin na lunggulhna hong thupi sim tahen.Thupuak,Mang Khan KhupTungzang SuanCanada.

Kawl Pi TungZang Inn Kuan an Kuang um khop na

April 01, 2008 Kawl Pi aa TungZang Inn kuan te ki lawmtak na leh an kuang um khop na a sawm leh giat vei cin-ni hi.

Yangon TungZang Inn Kuan

Malay Tung Zang Inn kuan

Denmark Tungzang Inn kuan